Ka përfunduar edhe koha shtesë e ndeshjes mes Klaskvik dhe Ballkanit, ku pas 30’ minutave lojë asnjëra skuadër nuk ka arritur ta gjejë golin.
Pasi që koha e rregullt mes Klaskvikut e Ballkanit përfundoi me shifrat 2:1 në favor të nikoqirëve, u desh edhe koha shtesë për ta përcaktuar fituesin, por që kjo gjë nuk ndodhi.
Tani do të nevojitet edhe gjuajtja e penalltive, në mënyrë që të përcaktohet skuadra e cila siguron biletën drejt play-offit të kualifikimeve të Ligës së Konferencës.
Ndeshja e parë mes këtyre dy skuadrave përfundoi me shifrat 3:2 në favor të Ballkanit, kurse ndeshja e sotme me shifrat 2:1 në favor të Klaskvikut, duke bërë që ndeshja të shkojë drejt penalltive.
