Mbrojtësi i Atalantës konfirmohet pozitiv me doping

Futboll

Mbrojtësi i Atalantës konfirmohet pozitiv me doping

Më: 12 gusht 2022 Në ora: 17:30
Mbrojtësi i Atalantës

Mbrojtësi argjentinas i Atalantës, Jose Luis Palomino rezultoi pozitiv me doping pas një kontrolli të befasishëm më 5 korrik. Një lajm që tronditi klubin bergamask dhe futbollin italian.

32-vjeçari u pezullua menjëherë nga Gjykata Kombëtare Anti-Doping, ndërkohë që edhe kundër-analiza ka rezultuar sërish pozitive!

Palomino ka përdorur Clostebol, substancë e palejueshme. Lojtari do të gjykohet nga Gjykata Kombëtare Anti-Doping, ku do të duhet të provojë mirëbesimin e tij, duke vërtetuar përdorimin e ilaçeve që përmbajnë Clostebol ose përgjegjësinë e palëve të treta, si mjeku.

Clostebol është një anabolik-androgjenik sintetik (AAS): një derivat i testosteronit, i përdorur kryesisht në kremrat shërues. Rregullorja thotë se sportisti “shpëton” në rast se provon në një rast të vetëm se nuk ka faj apo neglizhencë, me pezullimin e tij që reduktohet ose eliminohet plotësisht.

Lojtari latin rrezikon një skualifikim 2-vjeçar nga bota e futbollit. Trajneri Gasperini foli shkurtimisht rreth tij në prononcimin për mediet përpara transfertës ndaj Sampdorias.

“Po humbim një lojtar tepër të rëndësishëm. E dimë mirë moralin e këtij lojtari, është mjaft e qartë natyra e pavullnetshme e situatës së tij”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat