Gattuso: Situata nuk është normale

Futboll

Gattuso: Situata nuk është normale

Më: 13 gusht 2022 Në ora: 00:14
Gattuso: Situata nuk është normale

Gennaro Gattuso po përgatitet për debutimin e tij si trajner në La Liga, teksa Valencia e nis kampionatin me sfidën në “Mestalla” përballë katalanëve të Gironës, të dielën në orën 19:30.

Tekniku 44-vjeçar italian deklaroi se situata te Valencia nuk është fort normale, megjithatë u shfaq optimist se e ardhmja do të jetë shumë më e mirë, duke renditur një sërë faktorësh që do të ndihmojnë për këtë.

“Klubi aktualisht është në fazë rindërtimi dhe natyrisht që situata nuk është nga më të mirat, por e ardhmja besoj që do të jetë shumë më e mirë.

Tradita, qyteti, historia, stadiumi, tifozët, profesionalizmi, pasioni dhe shpirti, janë të gjitha aty. Pra janë të gjitha kushtet për t’u rikthyer në nivelet më të larta dhe kemi nevojë vetëm për pak kohë”, u shpreh Gattuso.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat