Espanyol-i i Bares ngec në javën e parë

Futboll

Espanyol-i i Bares ngec në javën e parë

Më: 13 gusht 2022 Në ora: 19:27
Espanyol-i i Bares ngec në javën e parë

Me 4 gola, por pa fitues mbyllet sfida në Balaidos mes Celta Vigo dhe e Espanyol, e vlefshme për javën e parë të La Liga-s.

Vendasit dominuan ndeshjen që nga fillimi, ndonëse goli mungoi deri në minutën 45+2’, me Aspas që zhbllokoi rezultatin.

Në pjesën e dytë Celta u tregua edhe më kërkuese dhe ia doli të realizonte golin e dytë me Pacencia-n në minutën e 63’. Espanyol arriti të godiste portën e vendasve vetëm në minutën e 72’, kur Exposito arriti të shënonte.

Espanyol ia doli që të gjente barazimin në fund të sfidës, me Joselu që shënoi nga pika e bardhë e penalltisë në minutën e 90+7.

Sa i përket mesfushorit të kombëtares shqiptare, Keidi Bare, nuk pati në dispozicion asnjë minutë aktivizimi në këtë nisje të sezonit 2022-2023 të La Liga-s, duke e ndjekur këtë sfidë të parë nga stoli.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat