“Djajtë e Kuq” kontaktojnë me Wanda Naran

Futboll

“Djajtë e Kuq” kontaktojnë me Wanda Naran

Më: 13 gusht 2022 Në ora: 19:34
“Djajtë e Kuq” kontaktojnë me Wanda Naran

E ardhmja e Mauro Icardit mund të jetë në Angli te Manchester United. Sulmuesi argjentinas, pjesë e PSG-së aktualisht, por jashtë planeve të trajnerit Galtier, po kërkon një destinacion të ri.

Nga Argjentina TycSports shkruan se “Djajtë e Kuq” janë të interesuar për ish-sulmuesin e Interit, pasi hoqën dorë nga Marco Arnautovic. Man. United mund të humbasë edhe Marcus Rashford, për të cilin ka interesim konkret nga PSG.

Media në fjalë shkruan se drejtuesit e “Djajtë e Kuq” kanë nisur kontaktet me Wanda Naran, bashkëshorten dhe menaxheren e Mauros, e cila është shprehur se kërkesat për “klientin” e saj janë të shumta. Në fakt, duket shumë e vështirë që të ketë shumë ekipe të intersuara për faktin se paga e Icardit është shumë e lartë.

Interesi i PSG-së për Rashford mund të ndihmojë në arritjen e një marrëveshjeje edhe për Icardin, për të cilin thuhet se mund të transferohet edhe të Monza në Serinë A apo tek Galatasaray në Turqi.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat