Mesfushori shënon në derbin e shqiptarëve

Futboll

Mesfushori shënon në derbin e shqiptarëve

Më: 13 gusht 2022 Në ora: 20:48
Mesfushori shënon në derbin e shqiptarëve

Mesfushori Enriko Papa nuk ka vonuar që të gjejë rrugën e rrjetës me skuadrën e Rizespor, të cilës i është bashkuar gjatë merkatos së verës.

Mesfushori i cili më parë ka veshur fanellën e Tiranës, Teutës e Lushnjës në Superiore, ka shënuar në barazimin 1-1 në derbin e shqiptarëve në kategorinë e dytë turke.

Skuadra e tij përballej me Keçiorengyçy, në radhët e të cilës aktivizoheshin Bekim Balaj e Jurgen Bardhi, me Uerdi Marën në stolin e rezervave. Papa gjeti rrugën e rrjetës në minutën e 49 të ndeshjes, duke i dhënë avantazhin ekipit të tij.

Megjithatë, Rizespori nuk ia doli që të mbronte rezultatin deri në fund, pasi Keçiorengyçy barazoi me anë të Rashad në minutën e 71-të, me sfidën e cila u mbyll me barazimin 1-1 duke i dhënë pikë të dy skuadrave në javën e parë të kampionatit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat