Willian prish kontratën me Corinthias-in

Futboll

Willian prish kontratën me Corinthias-in

Më: 14 gusht 2022 Në ora: 01:02
Willian prish kontratën me Corinthias-in

Ish-sulmuesi i Chelseat dhe Arsenalit, Willian ka prishur në mënyrë të parakohshme kontratën e tij me Corinthias, për shkak të kërcënimeve me vdekje që kishte marrë në rrjetet sociale bashkë me familjarët e tij.

Braziliani 34-vjeçar luajti 45 ndeshje me Corinthias, teksa presidenti i klubit dha lajmin për prishjen e parakohshme të kontratës, natyrisht pa penalitete për palët.

“Willian na kërkoi të ndërpresim bashkëpunimin për arsye familjare. Më vjen keq që shkoi kështu, por jemi të detyruar të respektojmë dëshirën e tij,”, deklaroi presidenti i Corinthias.

Vetë Willian u shpreh pak ditë më parë për mediat braziliane se sa herë që Corinthias humb, ai dhe familjarët e tij përballen me lumë sharjesh e kërcënimesh në rrjetet sociale.

E ardhmja e 34-vjeçarit pritet të jetë sërish në Premier League, pasi Fulham ka shprehur interesin për t’i ofruar një kontratë një vjeçare me opsion rinovimi.

commentFirst article
Sot mund të lexoni Shfletoni kopertinat