Ballkani apo Shkupi?

Futboll

Ballkani apo Shkupi?

Nga: Kemajl Goca Më: 17 gusht 2022 Në ora: 19:31
Ballkani apo Shkupi?

Ndeshje për histori qoftë për Ballkanin e Therandës qoftë për Shkupin! Ballafaqim mes skuadrave shqiptare, kampionit të Kosovës dhe kampionit të Maqedonisë së Veriut.

Cilat skuadër do të përqafojë fazën e Grupeve në Conference League?

Ballkani i kryetrajnerit Ilir Daja kurrë më afër qëllimit por edhe Shkupi i Goce Sedllovskit.

Atmosferë e bukur para sfidës së nesërme (21.00) të Play-off-it. Ballkani me kujdes të shtuar do t’u futet ndeshjes ndaj Shkupit mikpritës. 

Çfarë shkruan medium maqedon ““Ekipa.mk”?

“Kampioni i Maqedonisë, Shkupi është para mundësisë më të madhe për t'u regjistruar  në analet e sportit maqedonas, me kualifikimin në fazën e grupeve në garat evropiane për klube të UEFA-s.

Nesër nga ora 21:00 në arenën “Todor Proeski” në Shkup kundër Ballkanit të Kosovës, ekipin e pret ndeshja e parë e raundit play-off të kualifikimeve për një vend në fazën grupore të Conference League.

Të gjithë në skuadrën e Goce Sedlloskit janë të vetëdijshëm se ky është një rast i jashtëzakonshëm për një vjeshtë evropiane, por edhe një rast për të pasuruar arkën e klubit me rreth 3.5 milionë euro.

Ndeshjen e nesërme e presin me motivim maksimal, ndaj në atë stil është bërë edhe stërvitja e fundit pasditen e sotme në fushën e stadiumit më të madh të Maqedonisë...”, shkruan mediumi maqedon “Ekipa.mk”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat