Batatina sonte bën tifo për Ballkanin!

Futboll

Batatina sonte bën tifo për Ballkanin!

Më: 18 gusht 2022 Në ora: 19:24
Batatina

FC Shkupi sonte ndodhet para një provimi shumë të rëndësishëm. Skuadra nga Çairi do të zhvillojë ndeshjen e parë “play-off” të Ligës së Konferencës, kundër skuadrës kampione të Kosovës, Ballkani.

Është kjo hera e dytë me rradhë që FC Shkupi në garat europiane peshkon një skuadër kosovare. Vitin e kaluar në raundin e parë të Ligës së Konferencës, “bardheblutë” luajtën ndaj KF Llapit të Tahir Batatinës,  duke i eliminuar ata në debutimin e tyre në Europë.

Si duket Batatina ende nuk e ka harruar atë eliminim, ndërsa pavarësisht rivalitetit të madh që ka me Ballkanin në Superligën e Kosovës, ai ka uruar skuadrën nga Suhareka, duke e mbështetur atë përmes një shkrimi në profilin e tij në “facebook”: “Forca Ballkani. Nuk ka rëndësi rivaliteti mes nesh, ne jemi në mbështetjen e juaj sepse ju përfaqësoni futbollin kosovar”, ka shkruar Batatina.

Mbetet të shihet nëse edhe Ballkani do të ketë fatin e Llapit, skuadër kjo që edhe këtë vit u eliminua që në turin e parë të Ligës së Konferencës, këtë herë nga skuadra malazeze e Buduçnostit me rezultatin e përgjithshëm 4:2.

Kujtojmë fituesi i dy përballjeve nga takimi FC Shkupi-Ballkani, do të kualifikohet në fazën e grupeve të Ligës së Konferencës, çka do të ishte një arritje e madhe për të dyja skuadrat, që në këtë mënyrë do shkruanin histori.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat