Vllaznia e femrave mëson kundërshtaret

Futboll

Vllaznia e femrave mëson kundërshtaret

Më: 18 gusht 2022 Në ora: 20:35
Vllaznia

Skuadra e Vllaznisë në futboll për femra ka njohur sot emrin e skuadrës kundërshtare që ka si pengesë të fundit për play-off të Ligës së Kampioneve.

Shkodranet kanë qenë me fat në short teksa kanë kaluar direkt në finalen e minigrupit të tyre, ku tashmë do të ndeshen me kampionen e Sllovakisë, Mijava.

Kjo e fundit ka bërë surprizën sot teksa është kualifikuar me përmbysje në fushën e Breznicës së Malit të Zi, e cila është organizatore e minigrupit kualifikues në të cilin bën pjesë edhe skuadra shkodrane. Breznica ishte në avantazh të dyfishtë pas 20 minutash lojë dhe dukej se po shkonte e qetë drejt kualifikimit. Por Mijava shkurtoi diferencën në pjesën e parë dhe në të dytën realizoi përmbysjen e madhe me gola në minutat 78 dhe 86.

Kështu, të dielën skuadra sllovake do të ndeshet me Vllazninë dhe fituesja e këtij çifti do të shkojë në play-off të Ligës së Kampioneve, një hap larg fazës në grupe që do të ishte një arritje historike për futbollin e femrave në Shqipëri, por edhe një përfitim i jashtëzakonshëm financiar për klubin kuqeblu.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat