Fituesi i Kupës së Kosovës në edicionin e ardhshëm do të kalojë direkt në raundin e dytë kualifikues

Futboll

Fituesi i Kupës së Kosovës në edicionin e ardhshëm do të kalojë direkt në raundin e dytë kualifikues

Më: 19 gusht 2022 Në ora: 13:51
Ilustrim

Kosova ka shënuar ngritje në koeficientin e klubeve në UEFA. Tani, Superliga e Kosovës gjendet në vendin e 33-të, duke lënë pas vetes shumë vende të njohura.

Krejt kjo vjen si rezultat i paraqitjeve të mira të Ballkanit në kualifikimet e Ligës së Konferencës.

Ekipi nga Suhareka fitoi në ndeshjen e parë në udhëtim ndaj Shkupit dhe të enjten do të luajë ndeshjen vendimtare, e cila i siguron një vend në fazën e grupeve të kësaj gare.

Ndërkohë, me pozitën e 33-të që ka tani, fituesi i Kupës së Kosovës edicionin e ardhshëm do t’ia nisë aventurës në Ligën e Konferencës nga raundi i dytë kualifikues.

Edicionin e fundit, fituesi i Kupës së Kosovës, e ka nisur garimin në Ligën e Konferencës nga raundi i parë kualifikues.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat