Manchester City mbyll afatin kalimtar të verës

Futboll

Manchester City mbyll afatin kalimtar të verës

Më: 19 gusht 2022 Në ora: 22:32
Foto ilustrim

Pas transferimit të Erling Haaland, Kalvin Phillips dhe Sergio Gomez, kampionët e Premier Ligës nuk presin ndonjë nënshkrim të mëtejshëm gjatë kësaj merkato.

Pep Guardiola beson se Manchester City e ka përfunduar afatin kalimtar, përveç nëse diçka e papritur ndodh para afatit.

Kampionët e Premier Ligë kanë marr shërbimet e Haaland nga Borussia Dortmund, mesfushorin e Leeds, Phillips dhe mbrojtësin e majtë Gomez nga Anderlecht për një tarifë të kombinuar prej 104 milionë funtesh.

Është trajneri i ‘Citizens’ që njofton se nuk do të ketë transferime të tjera, përveç nëse ndodh diçka e papritur.

“Kemi mbyllur afatin kalimtar. Por nëse dikush lëviz ose nëse kemi ndonjë problem që na vjen papritur, mund të bëjmë ndonjë transferim. Por, e shohim afatin kalimtar si të mbyllur”, ka thënë Guardiola në konferencën për shtyp sot.

Bernardo Silva së fundmi është i lidhur me një largim nga ‘Etihad’ drejt Barcelonës.

Por, ende nuk ka diçka konkrete në mes drejtuesve të klubeve.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat