Reali nuk heq dorë nga Nkunku

Futboll

Reali nuk heq dorë nga Nkunku

Më: 29 shtator 2022 Në ora: 16:13
Nkunku

Real Madrid nuk ka ndërmend të heqë dorë nga Christopher Nkunku. Sulmuesi francez ka 3 vite që mban veshur fanellën e Leipzig dhe paraqitjet e tij kanë rënë në syrin e skuadrave të mëdha.

24-vjeçari vendosi në verë ta rinovojë kontratën me Leipzig deri në verën e vitit 2026, ku ka edhe një klauzolë largimi.

Tashmë francezi është prioritet i Real Madridit për merkaton e ardhshme, por lajmet e fundit që vijnë nga Spanja thonë se “Los Blancos” do të tentojnë të sigurojnë shërbimet e tij që në janar.

Sipas “Marca”, Reali  është gati që në janar të paguajë klauzolën e lojtarit prej 60 milionë eurove. “Los Blancos” nuk duan të rrezikojnë dhe ta humbasin Nkunkun, pasi shumë skuadra të mëdha janë pas tij.

Manchester United, Liverpool, Chelsea, Bayern Munich, Milan e Paris Saint Germain janë top klubet evropiane që gjithashtu e duan lojtarin.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat