Skënderbeu do kthesën edhe në kampionat

Futboll

Skënderbeu do kthesën edhe në kampionat

Më: 29 shtator 2022 Në ora: 18:36
Skënderbeu

Pas fitores me Maliqin, korçarët do të kërkojnë rikthimin te rezultatet bindëse edhe në kampionat. Dy pikë në tri ndeshje janë pak për një ekip si Skënderbeu dhe diçka e tillë kërkon reflektim të menjëhershëm. Mesazhi i Ardjan Takajt ka qenë i qartë, ekipi duhet të reagojë.

Në këto kushte, suksesi ndaj Luzit është e vetmja rrugë për bardhekuqtë. Kjo duket se ka vënë në lëvizje direkt stafin teknik, që kanë filluar të shohin rreth zgjidhjeve më të mira për përballjen e fundjavës për të ndërtuar 11-shen. Në seancën e fundit, Migen Memelli ka provuar të gjithë grupin e plotë me lojtarët që janë më në formë për momentin me qëllim t’i hedhë në fushë nga minuta e parë në këtë transfertë.

Duket se me rikthimin e Dritmir Becit dhe Abdul Temitopes në ekip, do të ndryshojë diçka në rreshtimin e korçarëve në fushë. Rikthimi i shkodranit i jep mundësi trajnerit që të kalojë Rapën në mesin e fushës në pozicionin e ekranit. Kjo do t’i japë më shumë mundësi dhe frymëmarrje ekipit për të pasur alternativa të tjera në repartin e mesfushës.

Më të avancuar do të luajnë Alii dhe Liço që kanë bërë paraqitje të mira në ndeshjet e fundit, ndërsa Lika duket se do të ulet në stol për t’i lënë vend Temitopesë së rikthyer nga dëmtimi. Nigeriani me pasaportë irlandeze do të formojë sulmin me Pusin dhe Abubakar në majë, për të tentuar fitoren e parë dhe në kampionat.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat