Haaland zbulon çfarë e shtyu t’i bashkohet Cityt

Futboll

Haaland zbulon çfarë e shtyu t’i bashkohet Cityt

Më: 29 shtator 2022 Në ora: 21:29
Erling Haaland

Kampioni anglez, Manchester City arriti këtë verë që të transferojë njërin nga lojtarët më të mirë në botë, Erling Haaland.

Bomberi norvegjez kaloi nga Borussia Dortmundi në Premier Ligë, ku tani po kalon momentet më të mira në këtë sezon me Cityn, duke shënuar 14 gola në 10 paraqitje në të gjitha garat.

Haaland tani ka zbuluar se çfarë e shtyu atë që t’i bashkohet Cityt, dhe të refuzojë interesimin e shumë gjigantëve evropianë, përfshirë këtu Real Madridin.

22 vjeçari tha se City momentalisht ka projektin më të mirë sportiv në botë, kurse tregoi edhe se si 15 lojtarë e kanë këshilluar atë që t’i bashkohej kampionit anglez.

“Është projekti më i mirë sportiv në botë momentalisht, është vendi ku unë mendoj se do ta bëjë më të mirën”, tha Haaland.

“Pas ndeshjes mes Cityt dhe Dortmundit në vitin 2021, afro 15 njerëz më këshilluan që unë duhet të vijë këtu. Përfshirë këtu, Stones, Dias, Foden dhe De Bruyne”, shtoi më tej ylli norvegjez.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat