Pas 100 minutave lojë Espanyol - Valencia ndajnë pikët

Futboll

Pas 100 minutave lojë Espanyol - Valencia ndajnë pikët

Më: 2 tetor 2022 Në ora: 16:50
Pas 100 minutave lojë Espanyol-Valencia ndajnë pikët

Spektakël, gola dhe kartonë, por Espanyol dhe Valencia ndajnë pikët në javën e shtatë në La Liga, me sfidën që përfundoi me rezultatin 2-2.

Skuadra e Gattuso-s evitoi humbjen në minutat shtesë, ndikuar këtu edhe nga një gafë e portierit vendas, Fernandez.

Pjesa e parë nuk prodhoi gola, ndërsa gjithçka ndodhi në 45 minutat e dyta.

Gabriel kaloi në avantazh Valencia-n në minutën e 54-të, por avantazhi zgjati vetëm dy minuta, pasi Joselu barazoi në minutën e 56-të.

Një sfidë që prodhoi raste, me skuadrat që kërkuan maksimumin, ndërsa Sergi Darder realizoi golin e përmbysjes 7 minuta nga fundi duke çuar në delir vendasit.

Më një gol më pak, Valencia u detyruar të luante edhe me një lojtar më pak në minutën e 86-të pas kartonit të kuq të marrë nga Marcos Andre, por ekuilibrat në fushën e lojës u vendosën shpejtë, pasi edhe vendasit u ndëshkuan me kartonin e kuq në minutën 92-të, me Braithwaite i cili e mbylli kështu këtë duel.

Atëherë kur Espanyol ishte bërë gati të festonin suksesin e plotë, gafa e portierit Fernandez i kushtoi shumë vendasve pasi përfitoi në maksimum Comert i cili shënoi një gol shumë të çuditshëm, por në fund evitoi humbjen.

Espanyol shkon në kuotën e pesë pikëve, ndërsa Valencia prek kuotën e 10 pikëve.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat