Shtohet kriza e të lënduarve te Milani

Futboll

Shtohet kriza e të lënduarve te Milani

Më: 3 tetor 2022 Në ora: 17:43
Pioli

Gjendja me futbollistët e lënduar te Milani po vazhdon të përkeqësohet.

Davide Calabria dhe Alexis Saelemaekers i janë shtuar listës së futbollistëve të lënduar te kampioni italian.

Të dy futbollistët në fjalë u larguan gjatë pjesës së parë në ndeshjen ndaj Empolit, të shtunën, e cila u fitua 1:3 nga Milani.

“Rossonerët” në këtë ndeshje ishin paraqitur edhe pa  Mike Maignan, Theo Hernandez, Junior Messias, Alessandro Florenzi, Divock Origi e Zlatan Ibrahimovic, që po vazhdojnë të mungojnë shkaku i lëndimeve.

Për Calabrian dhe Saelemaekers nevojiten më shumë teste. Por, sa i përket italianit, raportohet se ai mund të mungojë deri pas pushimit për Kampionatin Botëror “Katar 2022”.

Padyshim se ky do të ishte lajm tejet i keq për Stefano Piolin, i cili sapo ka nisur një seri prej 12 ndeshjesh në 44 ditë – në Serie A dhe Ligën e Kampionëve. 

Milani ndeshjen e radhës e luan të mërkurën, kundër Chelseat në Ligën e Kampionëve. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat