Henry tallet me veshjen e Milanit në Londër

Futboll

Henry tallet me veshjen e Milanit në Londër

Më: 6 tetor 2022 Në ora: 16:13
Henry tallet me veshjen e Milanit në Londër

Në “Stamford Bridge”, Milani mori humbjen e dytë të sezonit, si dhe të parën në këtë edicion të Champions League.

3-0 në favor të Chelsea, nënshkruar nga golat e Fofana, Aubameyang dhe James, i lejoi blutë të shkonin në kuotën e 4 pikëve në grupin E, pas Salzburgut të vendit të parë me 5 pikë.

Një natë për t’u harruar, e cila vështirëson rrugëtimin europian të skuadrës së Piolit, në pritje të ndeshjes së kthimit të planifikuar pas gjashtë ditësh në “San Siro”.

Pikërisht në studiot e ‘CBS’, Thierry Henry është tallur me xhaketat e veshura nga kuqezinjtë para ndeshjes:

“E dini çfarë? Duhet të luani mirë. Nëse shkoni me ato xhaketa dhe më pas humbisni, atëherë lërini në dhomën e zhveshjes. Pra, para së gjithash luani mirë në fushë. Ju mendoni se jeni atje dhe i shihni ata duke ardhur me këto xhaketa. Nëse fitoni, mund të flisni, në të kundërt lërini brenda”.

Sipas ish-kampionit të Barcelonës dhe Arsenalit, dalja në fushë me atë lloj uniforme pak minuta para fillimit të ndeshjes ishte një simptomë e besimit të tepruar nga ana e kampionëve italianë, të cilët më pas kapitulluan nën goditjet e Chelsea të Potter.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat