Ballkani mposht Phoenixin, kalon në 1/8 e finales së Kupës!
Ballkani nuk ka lejuar befasi, duke u kualifikuar në 1/8 finales së Kupës së Kosovës në futboll. Portokallezinjtë e Therandës, të enjten, kanë fituar në duel me Phoenixin, me rezultat 3:1.
Golat për skuadrën e drejtuar nga Ilir Daja i shënuan Dejan Zarubica (23’), Edvin Kuç (64’) dhe Nazmi Gripshi (87’), derisa golin e vetëm për skuadrën vendase e shënoi Ediae Precious.
Kësisoj, tashmë janë kompletuar të gjitha skuadrat pjesëmarrëse të fazës së 1/8 së finales, e ku krahas Ballkanit janë kualifikuar edhe: Liria, Llapi, Dukagjini, Prizreni, Feronikeli ’74, Vushtrria, Vjosa, Flamurtari, Behari, A&N, Fushë Kosova, Malisheva, Trepca’89, Gjilani dhe Prishtina.
