FSHF Cup rikthehet me edicionin e tretë javën e ardhshme

Futboll

FSHF Cup rikthehet me edicionin e tretë javën e ardhshme

Më: 2 dhjetor 2022 Në ora: 16:18
FSHF Cup rikthehet me edicionin e tretë javën e ardhshme

Kompeticioni i futbollit amator 9×9 FSHF Cup do të rikthehet javën e ardhshme me ndeshjet e turit të parë eliminator në këtë edicion te tretë. Në një kohë që janë luajtur tetë javët e para të kampionatit FSHF Sunday League Albania 9×9 skuadrat pjesëmarrëse do të jenë të impenjuar në turneun e dytë për nga rëndësia të futbollit amator për këtë format, që do të nisë nga java e ardhshme dhe do të mbyllet në muajin shkurt të vitit 2023.

Ky edicion i tretë i turneut, që organizohet nën kujdesin e Drejtorisë së Futbollit Amator në Federatën Shqiptare të Futbollit, pritet të dhurojë spektakël dhe ka shfaqur një interes në rritje me shumë të apasionuar të futbollit që janë bërë pjesë e këtij formati, ku përveç futbolldashësve marrin pjesë edhe ish-lojtarë profesionistë.

Edicioni i parë i kupës u fitua nga skuadra Sind-Al , ndërsa MFC Prestige arrit ta fitonte trofeun në edicionin e dytë të këtij kompeticioni. Në turin e parë të FSHF Cup do të luhet me eliminim direkt dhe do vihen përballë tyre 36 skuadra të zonës së Tiranës, që do të formojnë 18 çiftet e më pas skuadrat fituese do të njihen me rivalët në turin e dytë përmes shortit.

Më poshtë edhe çiftet e turit të parë të FSHF Cup:

FSHF Cup

Raundi i parë 

Dussel – Antigonean

Friends – Vila L

Futura – Panthers Shkodër

Tirona Rep – JUAR

Nova– Albamer

Pastaria – Ferraj

ECO Empire – Passion

Primo – Elso

Homeland – ATS

Confucius – IMMI

Hidro Alfa – MD

Roamel – Dajti

CCBS – Alar

Enco Al – Raiffeisen

KKD – Oktapus

Kastriotët – Prestige

Barrikada – North Gate

BTL – Jata Market

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat