Juventusit nuk i mjafton kaosi

Futboll

Juventusit nuk i mjafton kaosi

Më: 4 dhjetor 2022 Në ora: 11:55
Juventusit nuk i mjafton kaosi

Juventusit nuk i mjafton kaosi që është krijuar në klub pas dorëheqjes së 10 drejtuesve të bordit, përfshirë edhe presidentin, Andrea Anjelin.

Numri 1 i “Zonjës së Vjetër” dhe 10 personat e tjerë dhanë dorëheqjen pas kontestimeve të shumta që ka pasur Andrea Anjeli nga agjencia “Consob” në lidhje me plusvalencat (rritjes fiktive të vlerës së lojtarëve) si dhe për pagat e futbollistëve në sezonet 2019-2020.

Për këtë arsye personat e përfshirë në hetim kanë vendosur të bëjnë një hap pas dhe të largohen nga klubi.

Nuk mjafton vetëm kjo, por në skenë ka dalë dhe Kristiano Ronaldo, i cili dëshiron të marrë 19,9 milionët e tij që i takojnë nga paga kur aktivizohej te Juventusi.

Objekti i mosmarrëveshjes janë pagat që lidhen me periudhën e pandemisë globale, COVID-19, kur lojtarët ranë dakord me klubin për shtyrjen e pagesave.

Një lajm negativ ky për klubin bardhezi, duke parë se shuma e kërkuar nga ylli portugez është relativisht e lartë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat