I mbeshtjellur me flamur kombëtar, mes dhimbjes dhe lotëve i jepet lamtumira e fundit Erion Kajtazit

Futboll

I mbeshtjellur me flamur kombëtar, mes dhimbjes dhe lotëve i jepet lamtumira e fundit Erion Kajtazit

Më: 4 dhjetor 2022 Në ora: 16:16
I ndjeri Erion Kajtazi

Futbollistit mitrovicas, Erion Kajtazi sot iu dha lamtumira e fundit.

Mes lotëve e dhimbjes, 17-vjeçari u varros sot në fshatin Zasellë, shkruan Jepi zë.

Në varrim morrën pjesë numër i madh i qytetarëve, miq, familjarë, përfaqësues të institucioneve e futbollist.

Pjesë e ceremonisë së varrimit ishin edhe ministri i Kulturës, Hajrulla Çeku, ai i Bujqësisë, Faton Peci, kryetari i Mitrovicës, Bedri Hamza, si dhe ai i Federatës së Futbollit të Kosovës, Agim Ademi.

Kajtazi vdiq dje pas një ataku kardiak që pësoi në fushë teksa po luante ndeshjen kampionale të juniorëve mes AN dhe Trepçës ’89.

Nga njerëzit e futbollit në Mitrovicë dhe jo vetëm, Kajtazi cilësohej si njëri prej lojtarëve me premisat më të mëdha për të depërtuar në futbollin evropian.

Image
Nga ceremonia mortore
Image
Nga ceremonia mortore

 

 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat