Gjashtë vite burg!

Futboll

Gjashtë vite burg!

Më: 6 dhjetor 2022 Në ora: 20:00
Manolo Portanova

Nga një emër premtuesi i futbollit italian, në një kriminel pas hekurave të qelisë.

Ky është transformimi në pak muaj i 22-vjeçarit Manolo Portanova, i cili tashmë do të vuajë një dënim me 6 vite burg si pasojë e gjyqit për akuzën e përdhunimit në grup të një vajze.

Futbollisti, i cili ka dalë nga akademia e Juventusit dhe ka qenë pjesë e ekipit të parë të bardhezinjve, ishte bërë pjesë e Xhenoas në fillimin e edicionit të kaluar dhe luajti 27 ndeshje me këtë skuadër.

Por në verë, ai u arrestua nga policia italiane bashkë me dy shtetas të tjerë, një nga të cilët xhaxhai, me akuzën se kishin përdhunuar në grup një vajzë në Siena.

Gjykata e Sienës ka dhënë sot vendimin duke dënuar Portanovën dhe xhaxhain e tij me 6 vite burg si dhe një gjobë prej 120 mijë eurosh për t’ia paguar familjes së viktimës. Ndërsa një shtetas i tretë i akuzuar, i cili nuk kishte pranuar dënimin e përshpejtuar, do të gjykohet në një datë për t’u caktuar.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat