Trajneri i shkarkuar, Luis Enrique, ka thënë se ka një lojtar që do të donte që të mos e kishte marrë në kombëtare duke folur për eliminimin befasues të Spanjës në Kupën e Botës.
52-vjeçarit nuk iu rinovua kontrata pasi La Furia Roja humbi me penallti ndaj Marokut në 1/9-at. Ai është zëvendësuar nga trajneri i Spanjës U21, Luis de la Fuente.
Pas një fitoreje të pabesueshme 7-0 ndaj Kosta Rikës në ndeshjen e parë të grupit, Kupa e Botës e Spanjës u shpërbë dhe ata nuk arritën të fitojnë asnjë nga tre ndeshjet e radhës.
Enrique i zbuloi personalitetit spanjoll të internetit Ibai Llanos gjatë një interviste në Twitch se kishte një lojtar që e zhgënjeu atë. Ai tha: “Një lojtar, por nuk do ta them emrin. Një lojtar nuk dha atë që prisja dhe duhej të kisha marrë një tjetër në vendin e tij”.
Por ish-trajneri i Barcelonës kishte lëvdata për Pablo Sarabia të PSG-së dhe pranoi se ai duhej ta kishte aktivizuar më shumë. 30-vjeçari luajti vetëm pesë minuta në fund të humbjes së Spanjës ndaj Marokut.
Enrique shtoi: “Unë mendoj se Pablo Sarabia meritonte më shumë se pesë minutat që i dhashë. Tani për tani do ta kisha bërë edhe titullar. Unë nuk jam nga ata që ka pengje, me siguri do të kishim humbur gjithsesi, por për sa i përket drejtësisë ai e meritonte”.
Trajneri pranoi se Botërori i Spanjës “shkoi në ferr”, por mbrojti vendimet që ai mori. Ai tha: “Në 90 minuta, gjithçka shkoi në ferr. Është e qartë se ne nuk bëmë një ndeshje të mirë kundër Marokut.
“E pashë pozitivisht. Për momentin jam i qetë dhe i kënaqur me atë që kemi bërë. Kemi krijuar entuziazëm dhe dëshirë për të parë kombëtaren. Shumë të rinj dhe fëmijë erdhën për të na parë në hotel. Mund të bënim më mirë, jam i vetëdijshëm, por u përpoqa të marr lojtarët më të mirë dhe ata që i përshtateshin ideve të mia”.
Pas fitores së tyre ndaj Spanjës, Maroku do të përballet të mërkurën me një gjysmëfinale të madhe kundër kampionëve të botës në fuqi, Francës. Ndërkohë Spanja do të presë me padurim Euro 2024, pasi do të përpiqet të rimëkëmbet pas një Botërori zhgënjyes.
