Sadiki: Shumë më mirë këtu ku jam

Futboll

Sadiki: Shumë më mirë këtu ku jam

Më: 14 janar 2023 Në ora: 16:03
Sadiki

Nehar Sadiki zbarkoi në kampionatin shqiptar në verë si pjesë e skuadrës së Egnatias, me të cilën zhvilloi fazën përgatitore. Por në fund ai nuk iu bashkua rrogozhinasve, por Erzenit, ku është bërë titullar i padiskutueshëm. Sot, mbrojtësi shënoi pikërisht ndaj Egnatias dhe festoi duke puthur stemën e Erzenit.

“Të them të drejtën e ndjej shumë mirë fanellën e Erzenit se që kur kam ardhur më kanë bërë të ndjehem si të jem në familjen time. Ndaj desha t’i kushtoj golin tifozëve dhe t’i them faleminderit se janë përkrahja jonë e madhe.

Siç e shihni sekret nuk ka te Erzeni, por jemi përgatitur me dy module, me 3 apo 4 mbrapa, nuk është problem. Se jemi të përgatitur mirë fizikisht dhe jemi të familjarizuar dhe ky është rezultati i asaj që shihet në fushë.

Është hera e parë që kam luajtur në Shqipëri, për mua çdo ndeshje është e njëjta, unë motivohem dhe jap maksimumin në çdo ndeshje. Nuk shoh a është Egnatia apo Ballshi, unë jap maksimumin në çdo ndeshje dhe është e rëndësishme që të fitojë ekipi dhe ecë përpara.

Përgatitjet te Egnatia dhe firma te Erzeni? Ishte patjetër vendimi i duhur. Ne mundohemi gjithmonë të japim më të mirën por nganjëherë Zoti nuk e shkruan diku. Por ma ka dhënë shumë më mirë këtu ku jam te Erzeni dhe jam shumë i lumtur”, tha Sadiki për “Oversport” pas duelit.

commentFirst article
Sot mund të lexoni Shfletoni kopertinat