Benjamin Pavard (27 vjeç), pa rinovim me Bayern Munih, është rikthyer në radarët e Barcelonës.
Në këtë rast për një arsye bindëse dhe që përfaqëson një kërcënim serioz për francezin në këtë pjesë të fundit të sezonit.
Klubi i tij aktual ka nënshkruar si huazim Joao Cancelo, mbrojtës i Manchester City, i cili është përballur me uljen në stol nga Pep Guardiola në javët e fundit.
Ardhja e portugezit në radhët e Bayern Munich e nxjerr shumë keq Pavardin, i cili tashmë ishte në një situatë disi të komplikuar te klubi bavarez. Ngurrimi i tij për të luajtur si mbrojtës i djathtë (ai preferon të luajë si qendërmbrojtës), së bashku me imazhin e keq që la kur rezultoi pozitiv për testin e alkomatografisë, pas një ndeshjeje që ata luajtën kundër tij kanë ndikuar jo pak.
Përveç kësaj, kontrata e tij përfundon në vitin 2024 dhe për momentin ai ka refuzuar të fillojë bisedimet për rinovimin, ndaj do të jetë i lirë për një vit e gjysmë. Përballë kësaj situate, Bayerni ka vendosur të përfitojë nga opsioni i ofruar nga merkatoja me Cancelo.
Në këtë kontekst, përfaqësuesit e Pavard kanë lëvizur për një destinacion të ri. Ata kanë folur me Barçën për javë të tëra, sepse mbrojtësi francez pëlqehet në “Camp Nou” për shkathtësinë, bagazhin dhe përvojën e tij. Me siguri në verë, Pavard do të jetë sërish në radarët e gjigantëve katalanas.
