Sonte me fillim nga ora 21:00 stadiumi “Benito Villamarin” do të jetë nikoqir i përballjes mes Real Betisit dhe Barcelonës, e vlefshëm kjo për xhiron e 17 të La Ligas.
Në xhiron e fundit të zhvilluar në kampionatin spanjoll të dy skuadrat regjistruan fitore minimale 1:0, ku Barcelona e mposhti Gironan, kurse Betisi shënoi fitore kundër Getafes.
Takimi i fundit mes këtyre dy skuadrave daton në muajin janar të këtij viti, ku në kuadër të Super Kupës së Spanjës, Barcelona e mposhti Betisin me rezultat të ngushtë 3:2.
Momentalisht, Barcelona është lider i La Ligas me 47 pikë, në krahasim me Real Betisin që zë vendin e gjashtë në tabelë në kuotën e 31 pikëve.
Sa i përket ndeshjes së sotme, të dy skuadrat janë të kompletuara me lojtarë dhe trajnerët nuk do të jenë të brengosur rreth lëndimeve.
Formacionet e mundshme i gjeni më poshtë.
Real Betis (4-2-3-1): Silva; Sabaly, Pezzella, Felipe, Miranda; Rodriguez, Carvalho; Henrique, Fekir, Rodri; Iglesias
Barcelona (4-3-3): Ter Stegen; Kounde, Araujo, Christensen, Alba; Gavi, De Jong, Pedri; Raphinha, Lewandowski, Torres.
