Situata e Ansu Fatit, i cili nuk është titullar i padiskutueshëm te Barcelona, nuk ka kaluar pa u vënë re në futbollin europian.
Aq sa janë shtatë klube që kanë shfaqur interes për sulmuesin 20-vjeçar spanjollo-guinean, me kontratë te katalanasit deri në vitin 2027 dhe klauzolë 1 miliard euroshe.
Mes tyre, klubi që është interesuar më shumë për Ansu është Bayern Munich i Julian Nagelsmann.
Gjigantëve bavarezë iu pëlqen shumë ylli blaugrana, edhe pse deri më tani nuk ka pasur asnjë ofertë.
Katër klube angleze, duke përfshirë Arsenalin e Mikel Arteta dhe Tottenham e Antonio Conte, po mbajnë gjithashtu një sy nga Ansu Fati, i cili zgjati kontratën e tij me Barçën në tetor 2021.
Me Jorge Mendes si përfaqësues, lojtari i skuadrës së të rinjve ka startuar vetëm në 7 nga 19 ndeshjet që ka luajtur në La Liga këtë sezon, megjithëse ka qenë i vetmi i rreshtuar në 30 angazhimet zyrtare të sezonit. Formula e re e katër mesfushorëve që po shënon rezultate kaq të mira për Xavi Hernández nuk e ndihmon Ansu të ketë më shumë prani në formacionin startues.
Lëndimi i Ousmane Dembélé nuk ka qenë i favorshëm për momentin që spanjollo-guineani të zërë një nga dy vendet në sulm, së bashku me Robert Lewandowski. Ansu Fati luajti si ‘9’ gjatë tre ndeshjeve në të cilat polaku ishte i pezulluar.
Lewandowski është i zgjedhuri i parë nga Xavi për shkak të mesatares së madhe të shënimit, një gol çdo 58 minuta, gjatë gjysmës së parë të kampionatit.
Megjithatë, të mërkurën ndaj Betisit, Raphinha u zgjodh për të zsëvendësuar francezin në krahun e djathtë.
Këtë të diel (21:00) ndaj Sevilla mbetet për t’u parë nëse braziliani do të vazhdojë në të djathtë apo nëse Ansu Fati do të startojë, ndërkohë që evropianët e mëdhenj do të kenë parasysh situatën e tij.
Duke pasur parasysh informacionin e tregut për Ansu, trajneri Xavi Hernández kërkoi qetësi këtë të shtunë: “Duhet të jeni të durueshëm me të, gjërat do të funksionojnë.
Ne i besojmë shumë atij.
Ai ka një mentalitet të jashtëzakonshëm dhe është pasuri për klubin.
Durim, ai ka nevojë për kohë, tani nuk është koha për të folur për shitje”.
