Kristjan Asllani lojtar i Interit në të gjitha aspektet.
Në derbin e Madonninas mesfushori shqiptar u aktivizua në minutën e 93-të dhe me fitoren e arritur ndaj kuqezinjve është plotësuar një nga pikat e marrëveshjes mes Interit dhe Empolit për blerjen përfundimtare të kartonit të 21-vjeçarit.
Pika e parë e marrëveshjes parashikonte shlyerjen e detyrueshme të mesfushorit shqiptar pas pikës së parë të fituar në kampionat, duke filluar nga 2 shkurti 2023.
Në fakt, Interi fitoi jo një por tri pikë.
Asllani iu bashkua Interit në formë huazimi për 4 milionë euro nga Empoli e tashmë Interi është i detyruar të paguajë edhe 10 milionë plus 2 milionë bonuse për kartonin e tij.
