Rinovimi i Lionel Messit me PSG është një nga temat më të nxehta sot në futboll.
Ylli argjentinas përfundon kontratën me klubin francez dhe gjithçka tregon se ai do të nënshkruajë rinovimin e tij për të qëndruar edhe për një periudhë në Ligue 1.
Pas suksesit të tij në Kupën e Botës në Katar dhe paraqitjes së tij të shkëlqyer si kapiten i kombëtares, e ardhmja e tij është në rritje pavarësisht se është 35-vjeç.
Është objektivi i madh i Al Khelaifit dhe Luis Campos që ta mbajnë Messin në skuadrën e tyre edhe për një periudhë kohore. Ata e dinë se pasojat e të pasurit yllin argjentinas në ekip janë shumë të mëdha.
Megjithatë, jo të gjithë në Francë janë dakord me këtë zgjatje të kontratës së Messit me PSG. Një nga ata që ka mbajtur qëndrim kundër është Rothen. Ish-lojtari francez pohon se do të ishte një mënyrë e mirë për të kursyer, pasi edhe Fair-Play financiar është nëpër këmbë.
“Rinovimi i Messit është gjë e kotë, edhe për sa i përket skuadrës. Menaxhimi i Messit, Neymar dhe Mbappe është i ndërlikuar. Pastaj është çështja e listës së pagave.
Ne pamë PSG-në të bllokuar nga fair play financiar sepse lista e pagave është rritur shumë.
Tani klubi ka mundësinë të kursejë një shumë të madhe parash pasi paga e Messit është e konsiderueshme” deklaroi ai gjatë transmetimit të programit të tij në televizionin francez.
“Është një ide shumë e keqe të zgjasësh kontratën me Messin.
Ai nuk shqetësohet ta çojë klubin përpara. Ai nuk dëshiron të falenderojë tifozët, ul kokën dhe shkon në dhomat e zhveshjes.
Edhe kur feston golat i këndohet emri, por nuk ka bërë kurrë një gjest të bukur falenderimi për tifozët”, përfundoi ai.
