Gjatë një interviste me tiktokerin e famshëm, John Nellis, ish-futbollisti Gerard Pique ka pranuar se nuk e ka uruar Leo Messin pas fitimit të Kupës së Botës
Ish-lojtari i Barcelonës justifikohet duke thënë se nuk e ka parë Botërorin dhe ka dashur të shkëputet nga bota e sportit.
Ka kohë që spekulohet për një marrëdhënie të keqe mes Messit dhe Piques pas largimit të argjentinasit nga Barça.
Kampioni i botës në vitin 2022 mendon se Pique luajti një rol të rëndësishëm në largimin e tij duke ia bërë të qartë Laportës se Messi duhet të largohej nga klubi.
‘Tiktoker’ e pyeti nëse e uroi argjentinasin pas fitores së Kupës së Botës. Përgjigjja e tij habiti jo pak.
”Jo në të vërtetë. Muajt e mi të fundit kanë qenë të vështirë dhe më duhej të shkëputesha.
Nuk kam parë asnjë ndeshje të Kupës së Botës, vetëm finalen dhe jo të gjithë ndeshjen".
Pique u tërhoq nga futbolli pak para ngjarjes së madhe të FIFA-s.
