Atletico Madrid kalon pengesën Bilbao

Futboll

Atletico Madrid kalon pengesën Bilbao

Më: 19 shkurt 2023 Në ora: 20:58
Pamje nga ndeshja

Atletico Madrid regjistroi fitoren e dytë radhazi me rezultatin 1-0.

Skuadra e Diego Simeones iu fal golit të Antoine Griezmann për të kaluar pengesën e vështirë Athletic Bilbao.

Ndeshja e luajtur në “Wanda Metropolitana”, prodhoi garë të fortë sportive dhe raste në të dy krahët.

Por, gjithçka u vendos nga goli i sulmuesit francez në minutën e 73’.

Griezmann mori një top nga Depay dhe gjeti cepin e portës baske me një diagonale të saktë.

Ky ishte rezultati pozitiv i gjashtë radhazi në La Liga për Atleticon.

“Colchoneros” forcojnë pozitat në vendin e katërt me 41 pikë, dy më pak se Real Sociedad, skuadra tjetër baske që renditet një pozicion më lart.

comment Për komente lëvizni më poshtë
Sot mund të lexoni Shfletoni kopertinat