Kombëtarja e Kosovës e ka nisur me barazim ciklin kualifikues për Kampionatin Evropian “Euro 2024”, që do të mbahet vitin e ardhshëm në Gjermani.
Të përzgjedhurit e Alain Giresse morën sonte një pikë nga përballja me Izraelin, rivalin që vlerësohet si një prej rivalëve për dy pozitat e para në grup.
Ndeshja e zhvilluar në stadiumin “Bloomfield” përfundoi me rezultatin 1:1. Kjo ishte ndeshje e parë në kuadër të Grupit I.
Pas ndeshjes, Vedat Muriqi u shpreh se ishte një ndeshje që lehtë mund të ishte humbur, por edhe fituar.
“Një ndeshje e rëndësishme për neve. E kemi ditë që Izraeli janë ekip i fortë. Janë favorit i grupit me Zvicrën.
Kemi punu shumë dhe sot kthehemi me një pikë. Ka pasë raste kur e hupëm kontrollin.
Ka qenë ndeshje që kemi mundur me humb, por edhe me fitu. Na duhet të fitojmë ndaj Andorrës dhe me mbyll këtë muaj me katër pikë”, tha Muriqi.
