Serbia mbrëmë u takua me Malin e Zi në një ndeshje futbolli.
Në mbështetje të skuadrës ishin edhe një pjesë e mirë e tifozëve serbë të cilët si zakonisht në stadiume nuk harrojnë edhe thirrjet kundër shqiptarëve dhe Kosovës.
Megjithatë, këtë herë duket se dështuan në tentativën e tyre për të bërë zhurmë pasi në një moment gjatë ndeshjes kërkuan ndihmën e tifozëve malazezë për të bërë thirrje kundër Kosovës.
Serbët kërkuan bashkëpunimin nga malazezët për të cilësuar Kosovën si Serbi, por nga kampi malazez askush nuk u ndje.
Të gjendur në një situatë të tillë, tifozët serbë nisën me thirrjet kundër Malit të Zi për të nxjerrë zemërimin e shkaktuar prej injorimit të malazezëve.
