Tifozët e United kanë një mesazh për Maguire

Futboll

Tifozët e United kanë një mesazh për Maguire

Më: 14 prill 2023 Në ora: 19:09
Pamje nga ndeshja Manchester United - Sevilla

Kapiteni i Manchester United, Harry Maguire sulmohet shpesh nga tifozët e klubit të cilët e shohin rregullisht si fajtor kur situata për ekipin nuk zhvillohet në drejtimin e dëshiruar.

Mbrojtësi më i shtrenjtë në botë doli të ishte figura tragjike e skuadrës së tij ditën e djeshme, por këtë herë kritikat e tifozëve në rrjetet sociale u zëvendësuan duke mos fajsuar mbrojtësin.

Asgjë nuk mund të bënte Maguire në minutën e 92-të të ndeshjes së parë të çerekfinales së Europa League, kur pas goditjes së Youssef En-Nesyrit, topi iu kthye nga koka dhe mashtroi David de Gean.

Autogoli i Maguire ishte veçanërisht i dhimbshëm për tifozët e United, por edhe ata që e sulmojnë rregullisht tani pohojnë se ai nuk mund të fajësohet për tronditjen në Old Trafford. Në fakt, disa prej tyre shkojnë aq larg sa të pyesin nëse kapiteni i United është i përhumbur.

“Maguire është futbollisti më i pafat në botë. Nuk mund ta fajësosh as për këtë, ishte vetëm një aksident dhe është turp që duhej të ishte ai. Unë mendoj se ai është i përhumbur.

Se ai ka qenë i pafat janë dakord edhe ekspertët në studio që kanë komentuar ndeshjen.

United solli Maguire tre vite më parë nga Leicester City në një transferim prej 87 milionë eurosh.

comment Për komente lëvizni më poshtë
Sot mund të lexoni Shfletoni kopertinat