Jo vetëm në Superligë dhe Ligën e Parë të Kosovës në futboll, ka derbi drithërues, edhe në Ligën e Dytë.
Të jesh apo të mos jesh në derbin e madh në Ferizaj, KEK-u nga Kastrioti, lider do të takohet me Dinamon e Ferizaj.
Dramë e madhe është për dy vendet e para, treguesi më i mirë është edhe renditja: KEK-u kryeson me 76 pikë, i ndjekur nga Shkëndija e Hajvalisë me 74, Dinamo 73, Prizreni 55 sosh pas 28 javësh të zhvilluara deri me tash.
Të enjten në orën 15.00 Dinamo përballet me KEK-un, ndeshje vendimtare pothuajse për të hyrë në ligën e parë.Dinamo kërcënon KEK-un, se do të kthehet kokulur nga Ferizaj.
“E enjtja është dita kur vendoset gjithçka!
E gjithë vëmendja e futbollit të Kosovës zbret në qytetin e Ferizajt.
Duke e parë rëndësinë e ndeshjes futbollistët tanë premtojnë më shumë se 100% angazhim maksimal për të arritur objektivin madhorë, atë të cilën asnjë skuadër kosovare nuk e ka arritur deri tash.
Andaj kërkojmë mobilizim nga të gjithë qytetarët e Ferizajt, tifozët, dashamirët e futbollit që dita e enjte ora 15:00 të jetë e rezervuar vetëm për këtë ndeshje.
Djelmoshat tanë kanë nevojë për një përkrahje të madhe dhe qytetari i Ferizajt këtë përkrahje dinë ta jep më së miri, klubi Dinamo i falënderon të gjithë tifozët sepse rrugëtimi ynë nuk do të ishte i mundur pa përkrahjen e tyre.
Të gjithë për një qëllim, Dinamo në ligën e parë”, njofton Dinamo.
