Arsenal është duke planifikuar një lëvizje të papritur për të nënshkruar me ish-sulmuesin anësor të Barcelonës, Malcom këtë merkato verore.
“Topçinjtë” e kanë tashmë një prioritet një lojtar i cili është i aftë për të luajtur në krahët e sulmit, pasi në janar dështuan për të firmosur me Mudryk.
Sipas gazetarit të merkatos, Graeme Bailey, duke folur në podkastin “Talking Transfers”, Arsenal tani po shikon për një transferim të mundshëm të Malcom, i cili aktualisht luan për Zenit. 26-vjeçari ka shënuar 23 gola në vetëm 27 ndeshje në ligën ruse.
Në të kaluarën, Malcom u transferua nga Bordeaux te Barcelona për një shumë prej 41 milionë euro, por në 24 ndeshje të luajtura, ai shënoi vetëm katër gola dhe asistoi 2 herë, shifra zhgënjyese për një transferim me bujë të madhe.
