Franca shkon në Amsterdam për të fituar, kjo nuk ka asnjë dyshim. Për më tepër që deklarata ka ardhur nga vetë trajneri i “bluve”, Didier Desshamps.
Me pesëmbëdhjetë pikë nga pesë ndeshje dhe njëmbëdhjetë gola të shënuar dhe zero të pësuar,
Franca është në rrugën e duhur për t’u kualifikuar në Kampionatin Europian, por Deshamp nuk merr asgjë si të mirëqenë.
“Ne jemi në rrugën e duhur, por duhet të vazhdojmë kështu, nuk mund të ndalemi tani.
Objektivi ynë është të fitojmë, pasi nuk duam të përfundojmë në vazon e dytë.
E kemi të qartë se për të mundur Holandën në shtëpinë e saj do të na duhet të japim 100%. Ne kemi disa mungesa sikurse dhe ata, por kjo nuk i ndryshon objektivat tanë”, tha ai.