Policia në Francë arrestoi futbollistin e Nice, Youcef Atal për ndarjen e një postimi në rrjetet sociale në sfondin e konfliktit të Gazës, raportuan mediat lokale të premten.
E përditshmja Nice-Matin tha se mbrojtësi 27-vjeçar algjerian u arrestua për "provokim të urrejtjes racore për shkak të fesë".
Prokurori i Nicës hapi një hetim më 16 tetor. Atal, i cili fitoi Kupën e Kombeve të Afrikës 2019 me Algjerinë, ndau një video në Instagram në tetor, në të cilën një predikues palestinez i lutej Zotit që të dërgonte "një ditë të zezë për hebrenjtë" mes luftës izraelite në Gaza.
Më pas, mbrojtësi i djathtë i Nice, Atal kërkoi falje, por u pezullua nga klubi për postin e Gazës.
Liga franceze gjithashtu e ndaloi atë për shtatë ndeshje. Duke pasur 29 paraqitje për Algjerinë, Atal iu bashkua Nice nga Kortrijk i Belgjikës në vitin 2018 për të shënuar 12 gola në 115 paraqitje.
Izraeli ka nisur sulme të pamëshirshme ajrore dhe tokësore në Rripin e Gazës pas sulmit të Hamasit, duke vrarë më shumë se 14.854 palestinezë, duke përfshirë 6.150 fëmijë dhe mbi 4,000 gra, sipas autoriteteve shëndetësore në enklavë.
