Trajneri i Real Madridit, Carlo Ancelotti dha një përgjigje të prerë kur u pyet për ardhjen e Kylian Mbappe në Santiago Bernabeu në verë.
Kontrata aktuale e superyllit të Paris Saint-Germain përfundon në verë, pas së cilës ai është përfolur për t’u bashkuar me Los Blancos në një transferim me kosto zero. Kur u pyet për transferimin e francezit, Ancelotti tha për Fabrizio Romano:
“Ju vazhdoni të më pyesni për një lojtar që luan për një ekip tjetër. Ne tashmë kemi lojtarët më të mirë në botë këtu. Sipas renditjes: Vini Jr i pari, Bellingham i dyti, Rodrygo i treti. Pastaj Kroos, Valverde, Camavinga”.
Një transferim te Real Madrid do të dukej mjaft e përshtatshme për Mbappe, i cili ende nuk ka arritur lavdinë europiane në futbollin e klubeve. Gjigantët spanjollë kanë fituar 14 herë Champions League.
Gjatë qëndrimit të tij gjashtëvjeçar në Parc des Princes, fituesi i Kupës së Botës ka fituar pesë herë titullin e Ligue 1, por ende nuk ka vënë duart në trofeun e Champions League.
Ai ka qenë i rëndësishëm për triumfet e PSG-së ndër vite, duke shënuar 242 gola dhe duke dhënë 105 asiste nga 289 paraqitje në të gjitha kompeticionet.
Mbappe po shkëlqen edhe në këtë sezon, pasi ka shënuar 30 gola në 29 ndeshje në të gjitha kompeticionet.
