Legjenda e Real Madridit, Roberto Carlos së fundmi nuk pranoi se Lionel Messi ka këmbën e majtë më të mirë se ish-futbollisti.
Në një segment argëtues me GOAL, ish-mbrojtësit të majtë iu kërkua të qëndronte i heshtur derisa të dëgjonte emrin e një lojtari me këmbën e majtë më të mirë se ai.
Pasi qëndroi i heshtur ndërsa u emëruan një numër yjesh mëngjarashë, duke përfshirë Mesut Ozil, Angel Di Maria dhe Arjen Robben, ndër të tjera, doli edhe Leo Messi.
Braziliani vendosi të qëndrojë i heshtur edhe pasi emri i sulmuesit të Inter Miamit u zbuluar, duke kurorëzuar veten si mëngjarashin më të mirë.
Megjithatë, ai shpejtoi t’i kërkonte falje kapitenit të Argjentinës dhe mund të dëgjohet duke thënë në klip:
“Leo, më fal”.
