Kampionati gjerman premton një tjetër edicion fenomenal, edhe në sezonin e ri. Pas mrekullisë së pak muajve më parë, Bayer Leverkusen do të kërkojë të ruajë fronin e kampionit, duke sfiduar gjigantët e Bundesligës.
Për 34 javë, 18 skuadrat më të mira në Gjermani do garojnë mes tyre për arritjen e objektivave. Rivaliteti do të jetë maksimal, ashtu siç Bundesliga na ka mësuar, e si gjithmonë do të vijë edhe në këtë edicion të ri në ekranin e SuperSport, në Digitalb.
Granit Xhaka do sfidojë dhe një herë tjetër disa nga emrat më të mëdhenj të futbollit, me qëllimin për të përsëritu magjinë e një sezoni më parë, kur për 34 javë ai dhe “Aspirinat” nuk pësuan asnjë humbje. Pa dyshim nuk do të jetë e lehtë përballë rekordmenëve bavarez, apo një skuadre tradite si Dortmund.
Nga data 23 gusht, gjithçka ndodh në kampionatin më elitar të futbollit në tokën gjermane do të vijë me cilësinë maksimale të transmetimit përmes DigitAlb. E sigurt është se deri në javën e fundit, rivaliteti do të jetë maksimal, ashtu sikurse dhe emocionet e një sezoni që do të jetë i çmendur.
