Kanë mbetur vetëm dy javë e gjysmë deri në fund të merkatos së verës dhe Paris Saint-Germain ka një objektiv shumë të ndërlikuar: të përmirësojë skuadrën duke shitur 10 lojtarë.
Përveç italianit Cher Ndour, gati për t’u transferuar te Besiktas, janë edhe 9 lojtarë të tjerë që duhet të shiten nga tani deri më 30 gusht, datë e caktuar për përfundimin e sesionit të merkatos së verës.
Le Parisien ka zbuluar të gjithë emrat. Danilo Pereira është padyshim në rrugën e largimit dhe klubet portugeze dhe turke janë të interesuara për të, si dhe Milian Skriniar, i cili megjithatë do të preferonte të qëndronte në Paris dhe nuk ka gjasa të shitet me lehtësi, duke pasur parasysh pagën e tepruar.
Mund të sakrifikohet edhe Nordi Mukiele, vlerësimet për të janë ende në vazhdim.
Këtyre i duhet shtuar Manuel Ugarte, ndaj të cilit Manchester United është ende vigjilent. Carlos Soler është në orbitën e Premier League, me West Ham në pole position.
Më pas janë Juan Bernat, Ayman Kari, Colin Dagba, Ismaël Gharbi, Ilyes Housni dhe Louis Mouquet. Me përjashtim të Ndour dhe Mukiele, janë 10 operacione shitjeje për t’u bërë.
