Besa e Doberdollit ndërprenë bashkëpunimin me 5 futbollistë

Futboll

Besa e Doberdollit ndërprenë bashkëpunimin me 5 futbollistë

Më: 12 dhjetor 2024 Në ora: 14:05
Futbollistët e Besa e Doberdollit

Skuadra e elitës së futbollit të Maqedonisë së Veriut, KF Besa Dobërdoll, ka zyrtarizuar largimin e pesë futbollistëve nga radhët e saj.

Nëpërmjet një komunikate në profilin zyrtar në rrjetet sociale, klubi ka bërë të ditur se ka ndërprerë bashkëpunimin me: Filip Aleksovski, Maliq Beluli, Genc Gashi, Emir Skenderi dhe Ilirid Ademin.

KF Besa ka falënderuar futbollistët për angazhimin dhe kontributin e tyre gjatë periudhës së bashkëpunimit dhe u ka uruar suksese në karrierën e mëtejshme.

Ky veprim vjen si pjesë e ndryshimeve të mundshme në radhët e skuadrës për fazën e ardhshme të kampionatit. Besa Dobërdolli mbetet e përkushtuar për të ndërtuar një ekip konkurrues dhe për të ruajtur stabilitetin në ligën më të lartë të futbollit në vend.

comment Për komente lëvizni më poshtë
Sot mund të lexoni Shfletoni kopertinat