​Kosova përballet me Letoninë në Ligën e Kombeve

Futboll

​Kosova përballet me Letoninë në Ligën e Kombeve

Më: 25 shkurt 2025 Në ora: 08:07
Foto ilustrim

Pas fitores bindëse ndaj Maqedonisë së Veriut (4:0), Kombëtarja e Kosovës për femra janë të motivuar për të vazhduar me rezultate pozitive dhe për një paraqitje tjetër të të njëjtit nivel. Gjatë seancës së djeshme, ekipi ka punuar në përmirësimin e disa aspekteve taktike, me fokus në eliminimin e gabimeve të evidentuara në ndeshjen e kaluar.

Përzgjedhësi Sami Sermaxhaj u shpreh optimist për paraqitjen e ekipit, duke theksuar se skuadra ka bërë përgatitjet e duhura për këtë sfidë, por se tha se rezultati është i paparashikueshëm, andaj edhe do të hyjnë në lojë me seriozitetin më të madh.

Futbollistet e Kosovës po ashtu shprehën besimin e tyre për këtë përballje, duke nënvizuar se e kanë analizuar mirë kundërshtarin dhe se me mbështetjen e tifozëve dardanë besojnë të realizojnë fitoren e radhës.

Kosova renditet e para në Grupin 6, me 3 pikë dhe synon të vazhdojë ecurinë pozitive në këtë kompeticion, me qëllim të realizimit të objektivit për rikthim në Ligën B.

comment Për komente lëvizni më poshtë
Sot mund të lexoni Shfletoni kopertinat