Artim Shaqiri emërohet koordinator për ekipet e të rinjve

Futboll

Artim Shaqiri emërohet koordinator për ekipet e të rinjve

Nga: K.G. Më: 11 prill 2025 Në ora: 15:33
Artim Shaqiri

Koordinatorë të rinj të ekipeve të të rinjve të Maqedonisë së Veriut për gjeneratat nga viti 2006 deri në vitin 2012 janë emëruar Artim Shaqiri, ish-reprezentues i Maqedonisë, ish-kapiteni i kombëtares së Maqedonisë, e së fundmi edhe trajner i njohur, si dhe ish-futbollist Sashe Milloshevski.

“Të dy do të jenë të dobishëm në zhvillimin e futbollit në Maqedoni përmes punës së tyre në ekipet e të rinjve”, - kështu deklaroi drejtori teknik i FFM-së për futbollin e të rinjve, Gjorgji Hristov.

Ai tha se Nikolla Gligorov dhe Filip Ivanovski do të jenë video-analistë për ekipet e të rinjve.

Hristov po ashtu tha se në të ardhmen nuk do të tolerojë asnjë presion ndaj përzgjedhësve dhe se nëse ka një gjë të tillë do të bëhet publike.

comment Për komente lëvizni më poshtë
Sot mund të lexoni Shfletoni kopertinat