Llapi në krizë, Ferizaj proteston për një penallti të dyshimtë 

Futboll

Llapi në krizë, Ferizaj proteston për një penallti të dyshimtë 

Nga: K. Goca Më: 8 maj 2025 Në ora: 17:00
Pamje nga ndeshja

Ferizaj ka importuar pikë të madhe nga stadiumi “Zahir Pajaziti” në Podujevë.

Llapi ka barazuar me rezultat 1:1 me Ferizajn në ndeshjen e javës së 33-t të elitës së futbollit të Kosovës.

Në minutën e 60-t Erion Sadriu me një goditje të plogësht e ka mashtruar portierin Çoriç, duke shënuar për 0:1.

Çoriç hidhet në krahun e djathtë e Sadriu plason topin në këndin e poshtëm të majtë të Llapit.

Në minutën e 68-t gyjqtari Mentor Ajeti ka akorduar penallti, i cili edhe pas shikimit të VAR-it nuk e ka ndryshuar vendimin.

Ferizajasit me kryetrajnerin Arsim Abazi protestuan ashpër për këtë penallti të dyshimtë, gjithnjë sipas tyre.  

Në minutën e 70-të Ardit Tahiri ka shënuar nga penaltlia, për çka ishte goli i 14-të sezonal për të.

Llapi është në krizë të rezultateve, dëshmia më e mirë është pozita e tetë me 41 pikë e Ferizaj është në të katërtin me 49 sosh dhe në garë të fortë për të dalur në garat evropiane.

comment Për komente lëvizni më poshtë
Sot mund të lexoni Shfletoni kopertinat