Rashica i jashtëzakonshëm në Ukrainë

Futboll

Rashica i jashtëzakonshëm në Ukrainë

Më: 22 maj 2025 Në ora: 11:29
Rashica

Sulmuesi Ermir Rashica vijon të bëjë bujë në kampionatin ukrainas që pas largimit të tij nga Skënderbeu.

Sulmuesi i Shpresave të Shqipërisë ka fituar një çmim në skuadrën e Metalist 1925.

Ermir Rashica është shpallur lojtari më i mirë i muajit prill në skuadrën e tij. Ish-sulmuesi i Skënderbeut ka arritur të gjejë rrugën e rrjetës tre herë në muajin që lamë pas, duke u bërë protagonist për skuadrën ukrainase.

Ermir Rashica i dha lamtumirën Kategorisë Superiore në muajin shkurt të këtij viti, për t’u transferuar në kampionatin ukrainas. Metalist 1925 pasuroi Skënderbeun me 300 mijë euro për shërbimet e 21-vjeçarit.

comment Për komente lëvizni më poshtë
Sot mund të lexoni Shfletoni kopertinat