Bayern Munich nis bisedimet për transferimin e yllit të Milanit

Futboll

Bayern Munich nis bisedimet për transferimin e yllit të Milanit

Më: 2 qershor 2025 Në ora: 18:36
Foto ilustrim

Bayern Munich e ka intensifikuar interesimin e tyre për Rafael Leaon, duke mbajtur bisedime direkte me përfaqësuesit e yllit të Milanit. 

Sipas mediumit gjerman Kicker, Bayerni ka mbajtur bisedime me kampin e Leaos, teksa po synojnë të transferojnë një sulmues të majtë. 

Sulmuesi portugez është i hapur ndaj kësaj lëvizje, por çmimi që i ka caktuar Milani atij, raportohet mbi 100 milionë euro, mund ta bëj marrëveshjen mjaft komplekse. 

Pasi ndanë rrugët me legjendën Thomas Muller dhe po përballen me pasiguri për të ardhmen e Kingsley Coman dhe Leroy Sane, bavarezët i kanë dhënë prioritet përforcimeve në fazën e sulmit. 

Sipas Kicker, një takim sy me sy mes Bayern dhe përfaqësuesve të Leaos raportohet se është mbajtur në Mynih.

25-vjeçarit po i pëlqen ideja për t’u bërë pjesë e kampionit gjerman, por ‘Rossonerët’ në anën tjetër po ngurrojnë që ta shesin atë. 

Leao ka 12 gola dhe nëntë asistime në sezonin 2024/2025 dhe raportohet se ka një klauzolë lirimi prej 175 milionë eurosh. 

Me Kupën e Botës për Klube që po afrohet, ekipi i Vincent Kompany nuk pritet që të nxitojë në negociata. 

Ata me gjasë nuk do ta plotësojnë kërkesën e Milanit dhe për këtë arsye do të eksplorojnë alternativa të tjera si Cody Gakpo, Kaoru Mitoma ose Eberechi Eze.

comment Për komente lëvizni më poshtë
Sot mund të lexoni Shfletoni kopertinat