Ka pesë vite që pret të debutojë me Realin

Futboll

Ka pesë vite që pret të debutojë me Realin

Më: 20 korrik 2025 Në ora: 00:08
Reinier Zhezus

Real Madrid nisi disa vite më parë një politikë me investime për futbollistë të rinj që vinin nga Amerika Latine, duke vënë bast për potencialin e tyre që në moshe të vogël, për të mos i blerë me shifra marramendëse vite më vonë.

Një taktikë që funksionoi me emra si Vinicius e Rodrigo, por kishte raste ku nuk shkoi ashtu siç mendohej.

Shembulli konkret është Reinier Zhezus, sulmuesi brazilian i cili prej pesë vitesh pret ende mundësinë e tij për të debutuar me ekipin e parë të “los blancos”. Dhe eksperienca e tij në Madrid, do të mbyllet pa e bërë një gjë të tillë.

Në vitin 2020, ai u ble nga Flamengo për rreth 30 milionë euro, kur ishte ende adoleshent, për t’u “parkuar” te Kastija në pritje të shpërthimit të tij. Por ai moment në ekipin e parë nuk erdhi dhe për sulmuesin nisën disa huazime në skuadra si Borusia Dortmund, Zhirona, Frozinone e Granada, pa ia dalë as aty të tregonte sa vlente.

Tani lojtari ka hyrë në vitin e fundit të kontratës së tij me Realin por në klub i kanë bërë të qartë që të gjejë një sistemim të ri, pasi nuk bën pjesë në planet e Çabi Alonsos, duk mbyllur aventurën e lojtarit pa qenë asnjëherë protagonist me ekipin e parë.

comment Për komente lëvizni më poshtë
Sot mund të lexoni Shfletoni kopertinat